پشاور(آن لائن)خیبرپختونخوا میں ایک سے دوسرے شہر پبلک ٹرانسپورٹ پر 2 دن کے لیے پابندی عائد کر دی گئی۔سیکریٹری ٹرانسپورٹ خیبرپختونخوا منظور خان کے مطابق ہفتہ اور اتوار کو ایک سے دوسرے شہر تک پبلک ٹرانسپورٹ بند رہے گی۔انہوں نے بتایا کہ
فیصلہ کورونا کی تیسری لہر میں شدت آنے کے بعد کیا گیا ہے۔ ان کا کہنا تھا کہ ٹرانسپورٹ بند رکھنے کے لیے تمام ٹرانسپورٹرز کو اعتماد میں لیا گیا ہے۔منظور خان کے مطابق شہر کے اندر پبلک ٹرانسپورٹ پر پابندی نہیں ہوگی جب کہ گڈز ٹرانسپورٹ اور پرائیوٹ گاڑیاں پابندی سے مستثنیٰ ہے۔
