اسلام آباد (این این آئی) اسپیکر قومی اسمبلی نے خیبرپختونخوا کا نام تبدیل کرنے کیلئے آئینی ترمیم متعلقہ کمیٹی کو بھجوا دیا۔ جمعرات کو آئین میں ترمیم کا بل محسن داوڑ نے پیش کیا۔ محسن داوڑ نے کہاکہ اٹھارویں ترمیم میں صوبے کا نام تبدیل کرکے خیبرپختونخوا رکھا گیا جسے کسی طرح قبول کر لیا گیا، پورا
نام کہیں استعمال نہیں ہو رہا کے پی یا کے پی کے لکھا جاتا ہے۔ محسن داوڑ نے کہاکہ صوبے کا نام صرف پختونخوا ہونا چاہیے، حکومت نے بل کی مخالفت نہیں کی۔ وزیر مملکت علی محمد خان نے کہاکہ اہم بل ہے، قائمہ کمیٹی کو بھجوایا جائے جس کے بعد ڈپٹی اسپیکر نے بل متعلقہ کمیٹی کو بھجوا دیا۔
