کراچی(این این آئی)منسٹری آف نیشنل ہیلتھ سروسز اینڈ کوارڈینیشن اور نادرا کے تعاون سے کووڈ ویکسینیشن سرٹیفکیٹ کا اجرا شروع کر دیا گیا۔ڈی جی نادرا میر عجم خان درانی کے احکامات پر کراچی کے تینوں میگا سینٹرز پر سرٹیفکیٹ کی سہولت مہیا کردی گئی۔

ڈی جی نادرا سندھ میر عجم خان درانی کے مطابق ویکسینیشن سرٹیفکیٹ کا کراچی میں اجراء شروع کردیا گیا ہے، سرٹیفکیٹ nims.nadra.gov.pkپر اپنا قومی شناختی کارڈ نمبر اندراج کرکے حاصل کیا جا سکتا ہے۔میر عجم خان درانی کے مطابق سرٹیفکیٹ کا اجراء صرف ان افراد کو کیا جائے گا جنہوں نے کووڈ ویکسین کے دونوں ڈوز لگوالیے ہیں کوئی بھی شہری اپنے یا کسی اورفرد کے ویکسینیشن سرٹیفکیٹ کے حاصل کر سکتا ہے۔انہوں نے بتایا کہ کراچی سمیت ملک بھر کے نادرا میگا سینٹرز میں 100 روپے کی ادائیگی کے بعد ٹوکن کے ذریعے سرٹیفکیٹ حاصل کرسکتا ہے۔