پشاور(این این آئی) فیس بک نے پاکستان کیلئے 3 منصوبے شروع کرنے کی خواہش کا اظہار کردیا جبکہ پاکستانی حکام نے فیس بک سے پاکستان میں مونیٹائزیشن کھولنے کی درخواست کردی۔نجی ٹی وی کے مطابق فیس بک سمیت بڑی سوشل میڈیاکمپنیوں کے دفاترپاکستان لانے کی کوششیں جاری ہے ، اس سلسلے میں پاکستانی حکام نے فیس بک انتظامیہ سے رابطہ کیا۔رابطے میں فیس بک سے پاکستان میں مونیٹائزیشن کھولنے کی درخواست کردی ،

جس پر فیس بک نے پاکستان کیلئے 3 منصوبے شروع کرنے کی خواہش کا اظہار کردیا۔صوبائی وزیرآئی ٹی ضیااللہ بنگش نے رابطے کی تصدیق کرتے ہوئے کہا فیس بک سے بات چیت میں مثبت پیش رفت ہوئی ہے اور قانون سازی سے متعلق معاملات حل کرنے پراتفاق ہوا۔ضیااللہ بنگش نے کہا کہ اسدقیصرسے ملاقات کرکے قانون سازی کا فیصلہ کیا ہے، اس سلسلے میں فیس بک انتظامیہ ، پی ٹی اے اور آئی ٹی ماہرین کا اجلاس بھی بلالیا گیا ہے۔