لاہو ر(این این آئی) مسلم لیگ (ن) کی مرکزی رہنما کیپٹن (ر) محمد صفدر نے پارٹی کی نائب صد ر مریم نواز کی نیب پیشی کے موقع پر سکیورٹی کیلئے آئی جی پنجاب کو درخواست دے دی۔ کیپٹن (ر) محمد صفدر کی جانب سے دی گئی درخواست کے متن میں کہاگیا کہ پہلے بھی اگست میں پیشی کے موقع پر میری اہلیہ اور مجھ پر قاتلانہ حملہ کیا گیا، اب پھر مجھے خدشہ ہے اس لئے سکیورٹی فراہم کی جائے۔دوسری جانب مسلم لیگ (ن) کی نائب صدر مریم نواز کی پیشی کے موقع پر نیب لاہور میں تیاریاں مکمل کر لی گئیں۔ نجی ٹی وی

کے مطابق مسلم لیگ (ن) کی نائب صدر مریم نواز کی پیشی پر کورونا ایس و پیز کا مکمل خیال رکھا جائے گا جبکہ تمام اسٹاف ماسک اور حفاظتی کٹ پہن کرمریم نوازسے تفتیش کرے گا۔مریم نواز اور جے آئی ٹی ٹیم کے درمیان شیشے کی دیوار بھی ہوگی، تفتیشی روم کو مکمل طور پر ڈس انفکٹ کیا گیا ہے۔خیال رہے نیب نے مریم نواز کو 2مقدمات میں طلب کررکھا ہے، وہ چوہدری شوگر ملز،منی لانڈرنگ،جاتی امرا اراضی منتقلی کیس میں پیش ہوں گی، نیب کی جوائنٹ انویسٹی گیشن ٹیم مریم نواز سے تحقیقات کرے گی۔