سکھر(این این آئی)سکھر میں روہڑی کے قریب گائوں میں چیتے کو لوگوں نے مار دیا، ایک چیتا بھاگ گیا۔تفصیلات کے مطابق روہڑی کے گائوں میں کئی روز سے اہل علاقہ کیلئے دہشت کی علامت بنا چیتا علاقے کے کئی مویشی مار چکا تھا،
اہل علاقہ نے چیتے کو بہت بار مارنے کی کوشش بھی کی تھی۔اہل علاقہ کے مطابق چیتوں کے حملے سے ان کے قیمتی مویشی مرگئے ، کئی بار محکمہ وائلڈ لائف کو اطلاع دی گئی لیکن کوئی کارروائی نہیں کی گئی۔گزشتہ شب چیتا شکار کے لیے نکلا تو لوگوں نے کتوں کی مدد سے تعاقب کرکے اسے مار ڈالا جبکہ دوسرا چیتا بھاگ گیا۔اہل علاقہ کے مطابق ایک چیتے کے مارے جانے اور دوسرے کے فرار ہونے کی اطلاع کے بعد بھی وائلڈ لائف کا عملہ نہیں پہنچا۔
