اسلام آباد(مانیٹرنگ ڈیسک)وزیراعظم کے معاون خصوصی برائے سیاسی روابط شہباز گل پر لاہور ہائیکورٹ کے احاطے میں دو انڈے اور سیاہی پھینکی گئی،میڈیا رپورٹس کے مطابق شہباز گل کے ماتھے اور ہاتھ پر سیاہی لگی۔
شہباز گل نے کہا کہ اپنے کالے کرتوتوں کی سیاہی پھینکی ہے، یہ غنڈہ گردی ہے، ہم ایک تھپڑ کے جواب میں دس تھپڑ نہیں ماریں گے۔انہوں نے کہا کہ ایک گالی کے جواب میں دس گالیاں بھی نہیں دیں گے۔ غنڈہ گردی کی تربیت نہیں دیں گے، سیاست کریں گے۔شہباز گل نے کہا کہ اللہ کا شکر ہے میں بالکل ٹھیک ہوں۔یادرہے کہ عدالت میں پیش ہونے سے قبل ٹوئٹر پر جاری پیغام میں شہباز گل نے بتایا تھا کہ وہ آج 2 بجے لاہور ہائی کورٹ میں معزز عدالت کے سامنے پیش ہوں گے۔شہباز گل کا کہنا تھا کہ انہیں صحافی دوستوں سے پتہ چلا کہ مسلم لیگ ن کے غنڈا گروپ نے میرے پر حملہ کرنے کی تیاری کر رکھی ہے۔انہوں نے لکھا تھا کہ عمران خان کا سپاہی ہوں، عدالت آئوں گا، ڈرنے والا نہیں۔ سیاست کرنے پر یقین رکھتے ہیں اس طرح غنڈا گردی پر نہیں۔یاد رہے کہ چند روز قبل پی ٹی آئی کارکن نے
پاکستان مسلم لیگ (ن) کے رہنما احسن اقبال کے سر پر جوتا ماراتھا۔
