لاہور (آن لائن)پنجاب کے6اضلاع میں2ہفتوں کیلئے لاک ڈائون کافیصلہ کر لیا گیا ، مذکورہ اضلاع میں لاہور،گوجرانوالہ،فیصل آباد،ملتان،راولپنڈی اور سرگودھا شامل ہیں۔دوسری جانب ضلعی انتظامیہ نے سپرنگ فیسٹیول ملتوی کرنے کا فیصلہ کرلیا ہے۔ ضلعی انتظامیہ نے ڈپٹی کمشنر بیٹل آف لاہور کرکٹ لیگ ملتوی کردی ہے ۔ سپرنگ فیسٹیول کے 20

مارچ سے 22 مارچ کوہونے والی تمام تقریبات ملتوی کردی گئیں ہیں۔ ڈپٹی کمشنر کا کہنا تھا کہ کورونا کے خدشات کے باعث پندرہ مارچ سے 26 مارچ تک تمام تقریبات ملتوی کررہے ہیں، صرف پنجاب کلچر ڈے کی تقریب منعقد کی جارہی ہے۔ این سی او سی کے فیصلوں کی روشنی میں سپرنگ فیسٹیول کی تقریبات ملتوی کی گئیں ہیں#دوسری جارنب حکومت نے سرکاری ونجی سکولوں میں کورونا ایس او پیز کو سختی سے مانیٹر کرنے کا فیصلہ کیا ہے، سکولوں میں کورونا کی صورتحال کا جائزہ 15 سے 21 مارچ تک لیا جائے گا، جائزہ لینے کے بعد سات اضلاع میں سکول کھولنے کا فیصلہ کیا جائے گا۔بتا یاگیا ہے کہ 29 اضلاع کے سکولوں میں صبح کے وقت زیرو آگاہی پیریڈ لگایا جائے گا، مانیٹرنگ ٹیمیں روزانہ تین سکولوں کا وزٹ کریں گی اور روزانہ کی بنیاد پر رپورٹ محکمہ کو بھجوائیں گی، کورونا 19 کے موضوع پر فوکل پرسنز کو 16 مارچ کو زوم پر آن لائن تربیت بھی دی جائے گی