اسلام آباد( آن لائن )پاکستان مسلم لیگ (ضیا) کے سربراہ اعجاز الحق نے کہا ہے کہ یوسف رضا گیلانی کو ہروا کر پاکستان مسلم لیگ(ن) نے سینیٹ انتخاب میں اپنی خاتون امیدوار کی شکست کا بدلہ لیا ہے۔سماجی رابطوں کی ویب سائٹ ٹوئٹر پر ٹوئٹ کر تے ہو ئے کہا کہ
سینیٹ الیکشن میں مسلم لیگ (ن ) کی رہنما کی شکست کا بدلہ (ن ) لیگ نے چیئرمین سینیٹ کے الیکشن میں لے لیا ۔ انہو ںنے مزید کہا کہ مولانا کو جلد خوشخبری ملے گی، ڈیل ہوچکی ہے۔دوسری جانب پاکستان مسلم لیگ ن کے رہنما طلال چوہدری نے پاکستان پیپلزپارٹی پر طنز کرتے ہوئے کہا ہے کہ بلاول بھٹو زرداری صاحب نیوٹرل کا مزہ آیا۔ تفصیلات کے مطابق سماجی رابطوں کی ویب سائٹ ٹوئٹر پر ان کا یہ بیان اس وقت سامنے آیا جب چیئرمین سینیٹ کے الیکشن میں اپوزیشن اتحاد پی ڈی ایم کے مشترکہ امیدوار پاکستان پیپلزپارٹی کے رہنما یوسف رضا گیلانی کو شکست کا سامن کرنا پڑا ، جب کہ سابق وزیر اعظم یوسف رضا گیلانی کی طرف سے اکثر یہ بیان سامنے آتا تھا کہ پاکستان کی سیاست میں اسٹیبلشمنٹ اس وقت نیوٹرل ہوچکی ہے۔
