لاہور( این این آئی)احتساب عدالت کے بعد لیگی خاتون کارکن نے پولیس اہلکار کو تھپڑ مار دیا ۔ تفصیلات کے مطابق بڑی تعداد میں لیگی کارکنان مسلم لیگ (ن) کے صدر شہباز شریف اور پنجاب اسمبلی میں قائد حزب اختلاف حمزہ شہباز سے اظہا ریکجہتی کیلئے احتساب عدالت پہنچے جن کی مقررہ حد سے آگے جانے کی کوشش میں پولیس اہلکاروں سے تلخ کلامی او ر دھکم پیل
ہوئی ۔ عدالت کے اندر جانے کی کوشش میں لیگی خاتون کارکن مسزتنویر چوہدری کی پولیس اہلکاروں سے تلخ کلامی ہوگئی جس پر انہوںنے ایک پولیس اہلکار کو تھپڑ مار دیا ۔پولیس اہلکار خاتون کارکن کو وہاں سے لے گئے ۔ ڈیوٹی پر موجود پولیس افسر ڈی ایس پی صبح خان نے کہا کہ خاتون کے اس اقدام پر قانون کے مطابق کارروائی عمل میں لائی جائے گی ۔
