لاہور (آن لائن) مقامی عدالت نے ایک ہی گھر کے تین بھائیوں کے ساتھ شادی کرنے والی تین حقیقی بہنوں کی جانب سے دائر کردہ درخواست پر سماعت کرتے ہوئے تینوں بھائیوں کے بچوں تینوں بہنوں کے

حوالے کردئیے ہیں، بتایا گیا ہے کہ عدالت نے تینوں بھائیوں اور تینوں بہنوں پر مشتمل جوڑوں کو باہمی صلح کے لئے موقع فراہم کیا لیکن تینوں بہنوں نے اپنے شوہروں سے صلح کرنے سے انکار کردیا۔ بتایا گیا ہے کہ تینوں بہنوں نے اپنے شوہروں سے علیحدگی کے لئے عدالت سے رجوع کر رکھا ہے۔ اپنی اپنی بیگمات کے ان اقدام پر تینوں بھائی عدالت پہنچ کر حیران رہ گئے۔ واضح رہے کہ عدالت نے تین میں سے دو بہنوں جو عدالت میں موجود تھیں کہ بچے ان کے حوالے کئے ہیں جبکہ عدالت نے تیسری بہن کے بچے عدالت میں موجود دو بہنوں کے حوالے کرنے سے انکار کرتے ہوئے تیسری بہن کو عدالت میں پیش ہونے کا حکم دیا ہے۔