اسلام آباد (این این آئی)وزیراعظم عمران خان نے سینیٹ الیکشن سے متعلق کہا ہے کہ پاکستان میں اب اس طرح الیکشن نہیں ہوسکتے، امریکا جیسا ووٹنگ نظام لانا ہوگا۔وزیراعظم عمران خان نے کابینہ کے اجلاس سے اظہارخیال کرتے ہوئے کہا کہ سینیٹ الیکشن میں جو تماشا چلا، سب نے دیکھا، سب کو معلوم ہے سینیٹ انتخابات میں کھلے عام پیسہ چلتا ہے۔وزیراعظم عمران خان کی

جانب سے  کابینہ اجلاس کے دوران الیکٹرانک ووٹنگ مشین کے استعمال اور سمندر پار پاکستانیوں کو ووٹنگ کا حق دلانے کی کوششیں تیز کرنے کی ہدایت کی گئی۔انہوں نے کہا کہ غریب اور ترقی پذیر ملکوں سے بد عنوانی کے ذریعے منتقل کیا گیا پیسہ7 ارب ڈالر ہے، غریب ملکوں سے کرپشن، کک بیکس کے ذریعے سارا پیسہ منی لانڈرنگ ہوتا ہے۔عمران خان نے کہا کہ بد قسمتی سے معاشرے میں کرپشن کو سب کے لیے قابل قبول بنا دیا جاتا ہے۔وزیر اعظم عمران خان نے کہا ہے کہ بدعنوانی کرنے کے لیے نواز شریف اور زرداری پہلے متعلقہ اداروں کو کمزور کرتے ہیں، بدعنوان عناصر بڑے منصوبوں سے کمیشن لے کر باہر منتقل کرتے ہیں، ان بد عنوانوں کے باعث ملک مقروض ہو جا تا ہے۔انہوں نے کہا کہ نواز شریف اور آصف زرداری جیسے صاحب اقتدار لوگ اپنے ملک سے پیسے چوری کر کے باہر بھیجتے ہیں، قوم کی اخلاقیات کوتباہ کردیا جاتا ہے، الیکشن میں جو تماشا چلا سب نے دیکھا۔عمران خان نے کہا کہ قوم کی اخلاقیات کو نقصان پہنچایا جاتا ہے، ایک زرداری سب پہ بھاری، کھاتا ہے تو لگاتا بھی ہے ،جیسے جملے قابل قبول ہوجاتے ہیں۔انہوں نے کہا کہ جس قوم میں اخلاقی معیار نہ ہو وہ کبھی انصاف نہیں کر سکتی۔وزیر اعظم عمران خان نے کہا کہ سمندر پار پاکستانوں کو وو ٹ کا حق دینے سے متعلق تفصیلی بریفنگ لوں گا۔