اسلام آباد(مانیٹرنگ ڈیسک) سینٹ انتخابات میں تحریک انصاف کے امیدوار عبدالحفیظ شیخ کو پی ڈی ایم کے حمایت یافتہ یوسف رضا گیلانی کے ہاتھوں شکست کا سامنا کرنا پڑا۔ اب وزیراعظم عمران خان کو دھوکہ دینے والے 12 ارکان کی خفیہ رپورٹ پیش کر دی گئی ہے۔ معروف صحافی ٹکا خان ثانی اور عدیل وڑائچ نے سینٹ انتخابات کے حوالے سے بات چیت کرتے ہوئے کہا کہ تحریک انصاف
نے 12 افراد کی پہلے ہی نشان دہی کر لی تھی کہ یہ تمام اراکین یوسف رضا گیلانی کو ووٹ دیں گے۔ وزیراعظم کو ان بارہ لوگوں کے ناموں کی لسٹ دے دی گئی ہے، معروف صحافی نے کہا کہ وزیراعظم کو لگ رہا تھا کہ ان 12 میں سے 10لوگ تو ہمارے ساتھ کھڑے ہوں گے تاہم انہیں دو ارکان پر شک تھا۔ اس موقع پر انہوں نے کہا کہ مشکوک لوگوں کے خلاف کارروائی دنیا دیکھے گی۔
