اسلام آباد(مانیٹرنگ ڈیسک) لاہور کے سرکاری دفتر میں آگ بھڑک اٹھی اور ریکارڈ بھی جل کر راکھ ہو گیا۔میڈیا رپورٹس کے مطابق لاہور میں لارج ٹیکس پیئر یونٹ کے آڈٹ زون میں آگ بھڑک اٹھی جس میں شوگر ملز کا ریکارڈ موجود

تھااور وہ جل کر راکھ ہو گیا۔چھٹے فلور پر موجود کمشنر شبیہہ الاعجاز کے کمرے میں آگ لگی جہاں شوگر ملزکا ریکارڈ موجود تھااور اس آگ کے نتیجے میں دفتر میں موجود فرنیچر اور ریکارڈ سب جل کر راکھ ہو گیا۔واضح رہے کہ ماضی میں ایل ڈی اے دفاتر کے علاوہ کورٹ میں سرکاری ریکارڈ کو آگ لگانے اور میٹرو بس کے ریکارڈ جلانے کے علاوہ دیگر بھی کئی ایسی خبریں میڈیا کی زینت بنیں جس میں آگے جان بوجھ کر لگائے جانے کے چونکا دینے والے انکشافات کیے گئے کہ مختلف حکومتوں یا پھر لوگوں نے اپنے کرائمز کا ریکارڈ یا پھر خورد برد کے ریکارڈ کو جلانے کے لیے دفاتر کو آگ لگا دی اور اس حوالے سے شہباز شریف کی حکومت کو خوب کوسنے سنائے جاتے تھے مگر اس وقت تو سبھی بزدار حکومت کی نااہلی کا رونا رو رہے ہیں کہ ہر طرف لوٹ مار مچی ہوئی ہے۔