مک گیا تیرا شو نیازی گو نیازی گو مظاہرین نے سینیٹر فیصل جاوید کو گھیر لیا

5 مارچ‬‮ 2021 |

اسلام آباد(مانیٹرنگ ڈیسک،این این آئی) جو کلچر پی ٹی آئی نے متعارف کرایا تھاآج وہی سب حکومتی نمائندوں کے ساتھ پیش آ نے لگا،سوشل میڈیا پر وائرل ویڈیو میں دیکھا جا سکتا ہے کہ فیصل جاوید کو لوگوں نے گھیر رکھا ہے اور مک گیا تیرا شو نیازی گو نیازی گو نیازی کے

نعرے بلند کیے جا رہے ہیں۔جس پر پولیس اور سکیورٹی کے لوگوں نے مشتعل مظاہرین کے نرغے سے انہیں بچا کر ان کی گاڑی میں بٹھایا۔دوسری جانب وفاقی وزیر منصوبہ بندی اسد عمر نے کہا ہے کہ عمران خان نے اعتماد کے ووٹ لینے کا جو فیصلہ کیا وہ اس لئے کہ ان کے پاس وزیراعظم ہونے کا ناصرف قانونی بلکہ اخلاقی جواز بھی ہے، جب کہ اس کے برعکس اخلاقیات کا یہ حال کے ضمیر کی بولی لگا کر ووٹ خریدے جا رہے ہیں۔ سماجی رابطے کی ویب سائٹ ٹویٹر پر اپنی ٹویٹ میں وفاقی وزیر اسد عمر نے کہا کہ عمران خان سیاست میں وزیراعظم بننے کے لئے نہیں آئے تھے، اور انہوں ایک دفعہ پھر ثابت کردیا کہ وہ ایک دلیر لیڈر ہیں اور پاکستان کو عظیم قوم بنانے کے مشن پر ہیں اور دوسری طرف پیسے کی سیاست کرنے والے افراد ہیں، لیکن فتح پاکستان کے عوام کی ہوگی اور پیسے کی سیاست کا خاتمہ ہوگا۔اسدعمر نے کہا کہ ایک طرف عمران خان نے اعتماد کے ووٹ لینے کا جو فیصلہ کیا وہ اس لئے کہ ان کے پاس وزیراعظم ہونے کا ناصرف قانونی بلکہ اخلاقی جواز بھی ہے، اس کے برعکس اخلاقیات کا یہ حال کے ضمیر کی بولی لگا کر ووٹ خریدے جا رہے ہیں، اس سے زیادہ سیاہ اور سفید کا فرق ممکن نہیں۔