پشاور(این این آئی)خیبرپختونخوا سے سینیٹ انتخابات میں 12نشستوں میں سے 10نشستوں پر تحریک انصاف نے کامیابی حاصل لی، عوامی نیشنل پارٹی اور جمعیت علمائے اسلام کو ایک، ایک نشست ملی ہے خیبرپختونخوا سے سینیٹ انتخابات میں تمام 12نشستوں کے غیر سرکاری نتائج آگئے ہیں۔خیبرپختونخواسے سینیٹ کی سات جنرل نشستوں پرپی ٹی آئی کے پانچ اوراپوزیشن کے دوامیدوارسینیٹرزمنتخب ہوگئے ۔ جنرل نشست پر پی ٹی آئی کے شبلی فراز ، محسن عزیز، لیاقت ترکئی،
ذیشان خانزادہ، فیصل سلیم اور اے این پی کے ہدایت اللہ خان اور جے یو آئی کے مولانا عطاء الرحمان سینیٹر منتخب ہوئے ہیں۔ خواتین کی نشست پر پی ٹی آئی کی امیدوار ثانیہ نشتر سینیٹر منتخب ہوئی ہیں جبکہ پی ٹی آئی کی امیدوار فلک ناز بھی خواتین کی نشست پر کامیاب قرار پائیں۔ٹیکنو کریٹ کی 2 نشستوں پرپی ٹی آئی کے دوست محمد محسود اور محمد ہمایوں خان کامیاب ہوئے ہیں۔ اقلیت کی نشست پر پاکستان تحریک انصاف کے گردیپ سنکھ بھی کامیاب قرارپائے۔
