نارووال(این این آئی) سابق وزیر اعظم شاہد خاقان عباسی نے کہا ہے کہ ہماری جنگ اقتدار کے لیے نہیں ،نظام کی درستگی کے لیے ہے، اس وقت ملک میں احتساب کے نام پر انتقام جاری ہے۔شکر گڑھ میں مسلم لیگی رہنماء دانیال عزیز کے والد سابق وفاقی وزیر انور عزیز مرحوم کے

ختم پاک میں شرکت کے موقع پر میڈیا سے گفتگو کرتے ہوئے انہوں نے کہا کہ یوسف رضا گیلانی سینیٹ الیکشن جیت جائیں گے اور بھاری اکثریت سے سینیٹر منتخب ہوں گے ۔سینیٹ کا الیکشن عدم اعتماد کی تحریک نہیں،ڈسکہ کے ضمنی الیکشن پر الیکشن کمیشن نے درست فیصلہ کیا۔ شاہد کاقان عباسی نے کہا کہ حمزہ شہباز کی رہائی کسی ڈیل کا حصہ نہیں۔پنجاب میں ہم نے اپنے امیدوار دستبردار کروائے تو حکومت نے پریشان ہو کر ایسا ہی کیا۔ اب کے پی کے میں بھی دستبرداری کی باتیں ہو رہیں ہیں۔ اس موقع پر سابق وفاقی وزیر داخلہ احسن اقبال نے گفتگو کرتے ہوئے کہا کہ اب وقت اآگیا ہے کہ ملک کو نئی بنیادوں پر کھڑا کیا جائے ۔ ملک کا سب سے بڑا مسئلہ غربت اور بے روز گاری ہے۔ عمران خان نے عوام کو دو وقت کی روٹی سے محروم کر دیا ہے۔احسن اقبال نے کہا کہ سندھ اور بلوچستان میں پی ٹی آئی کے لوگ چیخ رہے ہیں کہ سینیٹ ٹکٹ بیچے گئے جبکہ پی ڈی ایم کی ٹکٹوں پر کوئی اعتراض نہیں ہوا انہوں نے کہا کہ بیوروکریٹ ملک کو اچھی طرح چلائیں تو مک جنت بن سکتا ہے، ڈسکہ میںپولنگ افسروں کو اٹھانا انوکھا واقعہ ہے۔