لاہور(این این آئی )مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ ڈسکہ اور وزیرآباد میں شکست کے بعد فردوس امجد کا ذہنی توازن خراب ہو چکا ہے، فردوس امجد کو سیالکوٹ میں تیسری مرتبہ ذلیل و خوار ہوئی ہیں،ڈسکہ میں شکست پر فردوس امجد کی
مسلسل عمران خان سے بے عزتی ہورہی ہے جس کی بھڑاس وہ ٹویٹر پر نکال رہی ہیں۔اپنے بیان میں انہوںنے کہاکہ ٹویٹر پر نیا پاکستان بنانے والوں کو معلوم ہوچکا ہے گرائونڈ پر حالات مختلف ہو چکے ہیں۔فردوس باجی فکر نہ کریں پرویز رشید آپ لوگوں کیلئے دوسرالوہے کا چنا ثابت ہو گا۔موجودہ دور میںپرویز رشید نوازشریف کا جانثار سپاہی اور غیر جمہوری قوتوں کا سب سے بڑا ناقد ہے۔اب ایک پیج والا چکر ختم ،عمران خان کے منشی اور درباری اپنے اپنے صحفے تلاش کررہے ہیں۔سینیٹ الیکشن سے قبل ہی پی ٹی آئی میں الزامات کی بوچھاڑ ہو رہی ہے۔بلوچستان اور کے پی کے میں تحریک انصاف کے اختلافات عروج پر پہنچ چکے ہیں۔مسلم لیگ(ن) کو توڑنے والوں کی اپنی جماعت میں ہر صوبے میں الگ الگ گروپ بندیاں بن گئی ہیں۔مجھے ذاتی طور پرسینیٹ الیکشن کے بعد تحریک انصاف کا سیاسی مستقبل خطرے میں دیکھائی دے رہا ہے۔
