اسلام آباد (مانیٹرنگ ڈیسک )بھارت کے معروف اداکار آلو ارجن کی لگژری وینیٹی وین ’فالکن‘ حادثے کا شکار ہوگئی۔رپورٹس کے مطابق اداکار آلو ارجن کی بھارتی ریاست آندھرا پردیش میں فلم ’پشپا‘ کی شوٹنگ کے واپس حیدرآباد جارہی تھی راستے میں
گاڑی نے پیچھے سے ٹکر ماردی۔نجی ٹی وی جیو کے مطابق حادثے کے وقت اداکار آلو ارجن وین میں موجود نہیں تھے تاہم ان کی میک اپ ٹیم موجود تھی جو حادثے میں محفوظ رہی۔ حادثے کے باعث ادا کار کی لگژری وینیٹی وین کو شدید نقصان پہنچا ہے جبکہ واقعے کے خلاف مقدمہ بھی درج کرلیا گیا ہے۔خیال رہے کہ آلو ارجن کی لگژری وینیٹی وین کی 2019 میں مالیت 7 کروڑ بھارتی روپے سے زائد تھی، یہ وین تمام سہولتوں سے آراستہ ہے۔واضح رہے کہ آلو ارجن کا شمار بھارت کی مقامی تیلگو فلم نگری کے صف اول کے اداکاروں میں ہوتا ہے جن کی فلمیں سلمان خان کی طرح سیکڑوں کروڑ کا بزنس کرتی ہیں۔
