کراچی (این این آئی) ٹریفک پولیس کراچی نے شہریوں کے لئے اہم اعلان کیا ہے کہ مورخہ 9فروری بروز منگل سے ماڑی پور روڈ گلبائی چوک سے جانب ہاکس بے سائیکل چورنگی (ٹرک اڈہ کے بعد)تک تعمیراتی کام(جو کہ 45روز جاری رہے گا)کی وجہ سے بند رہے گا اور کسی بھی قسم کی ٹریفک کو آنے / جانےکی اجازت

نہیں ہوگی۔ لہذا عوام الناس سے گذارش ہیکہ وہ زحمت اور پریشانی سے بچنے کیلئے ذیل راستوں کا انتخاب کریں۔متبادل روٹ/راستے: گلبائی چوک سے سائیکل چوک ہاکس بے ٹرک اڈہ جانے کا راستہجناح برج (نیٹی جیٹی)، گلبائی چوک سے ٹرک اڈہ جانے والے حضرات، ہونڈا کٹ سے پراچہ برج سے، ناردرن بائی پاس روڈ اختیار کریں پولیس ٹریننگ کالج کے پاس ریمپ سے نیچے اتر کر حب ریور روڈ، مواچھ گوٹھ مرشد ہسپتال سے آگے بائیں جانب سپارکو کٹ سے بائیں جانب سپارکو روڈ سے ہاکس بے روڈ سے بائیں جانب سائیکل چورنگی سے ٹرک اڈہ تک جا سکتے ہیں۔سائیکل چورنگی ہاکس بے سے گلبائی چوک جانے کا راستہ سائیکل چورنگی سے، آگے دائیں جانب سپارکو روڈ ، سپارکو کٹ سے حب ریور روڈ بائیں طرف جانب نیول کالونی، سورتی قبرستان کے پاس بائیں جانب نیا کٹ، ناردرن بائی پاس واپسی راستہ، پراچہ برج سے دائیں جانب گلبائی چوک سے اپنی منزل کی طرف جا سکتے ہیں۔ نوٹ: سائیٹ ایریا جانے والے حضرات سپارکو کٹ سے دائیں جانب حب ریور روڈ، مواچھ گوٹھ، پولیس ٹریننگ کالج، بلدیہ ٹی کراسنگ پراچہ چوک سے بائیں جانب سائیٹ ایریا کی طرف جا سکتے ہیں۔کسی بھی پریشانی یا رہنمائی کی صورت میں ٹریفک پولیس ہیلپ لائن راہنما 1915 پر کال کریں۔