اوفا(نیوزڈیسک) دنیا بھرکے میڈیا نے مودی نوازملاقات کوخصوصی کوریج دی ۔روس کے شہراوفا میں پاکستان اوربھارت کے وزرائے اعظم کے درمیان ہونے والی ملاقات کودنیا بھرکے اخبارات نے اپنی شہہ سرخیوں میں دیاجبکہ اسی طرح دنیا بھرکے آن لائن نیوزپیپرز اورالیکڑانک میڈیانے بھی اس ملاقات کوبریکنگ نیوز کے طورپردیا۔سعودی عرب کے اخبارعرب نیوز نے اپنی شہہ سرخی میں لکھاکہ پاکستان اوربھارت کادہشتگردی کے خاتمے کے لئے اتفاق رائے ہوگیاہے ۔اسی طرح امریکی نشریاتی ادارے وائس آف امریکا نے بھی یہ شہہ سرخی دی کہ دونوں ممالک کے سربراہان نے دہشت گردی سے جڑے تمام معاملات پر بات چیت کی ۔برطانوی نشریاتی ادارے بی بی سی نے لکھاہے کہ دونوں ممالک کے قومی سلامتی کے مشیر پاک بھارت تعلقات پربات چیت کومزید بڑھائیں گے ۔