لندن(نیوزڈیسک) خواتین اپنے کپڑوں کے انتخاب میں خاصا وقت لگاتی ہیں اور مختلف تقاریب اور دفاتر میں پہننے والے کپڑوں کے انتخاب کے لئے خواتین پوری زندگی کے 5 ماہ صرف کردیتی ہیں۔ برطانوی کمپنی سمن جرسی کی زیرنگرانی کرائے جانے والے سروے کے مطابق خواتین ہرہفتے ڈیڑھ گھنٹہ اس پریشانی میں گزاردیتی ہیں کہ انہیں گھرسے باہرنکلنے کے لیے کون سا لباس زیب تن کرنا چاہیئے جس کا حساب لگایا جائے تو یہ سال کے 3 دن اور ایک خاتون کی 18 سے 65 برس کی زندگی میں لگھ بھگ 20 ہفتے بنتے ہیں۔سروے میں 2 ہزارخواتین کے جوابات کی بنیاد پریہ سروے مرتب کیا گیا ہے جس کے مطابق 45 فیصد ملازمت پیشہ خواتین کے لیے مناسب لباس کی تلاش کا عمل ہرروزکا مسئلہ ہے جب کہ 54 فیصد خواتین نے بتایا کہ آخری لمحات میں فیصلہ کرنے سے بچنے کے لیے وہ اپنے کپڑوں کی تلاش کا کام رات میں مکمل کرلیتی ہیں تاہم 15 فیصد خواتین اپنے کپڑوں سے مطمئن نہ ہو کر واپس آکرکپڑے بدلتی ہیں جب کہ خواتین تقریبات میں پہننے جانے والے کپڑوں کا انتخاب 55 منٹ میں کرتی ہیں۔دوسری جانب کمپنی کے ترجمان کا کہنا تھا کہ بہت سی خواتین ایسی بھی ہیں جو دفتراورذاتی الماری کو مکمل طور پرالگ رکھتی ہیں تاہم اکثرملازمت پیشہ خواتین اپنے دفتر کی مناسبت سے ایک ہی لباس پہننے کو ترجیح دیتی ہیں۔ ان کا کہنا تھا کہ نے نتائج سے یہ بات بھی اخذ کی جاسکتی ہے کہ خواتین میں کم وقت میں کپڑوں کا انتخاب کرنا بہت مشکل کام ہوتا ہے۔