واشنگٹن ( آن لائن)سال2020 میں دنیا میں سب سے زیادہ کمائی کرنے والی شخصیات کی فہرست جاری کردی ہے۔ بزنس میگزین فوربزکے مطابق کائیلی جینر سال 2020 میں سب سے زیادہ کمانے والی سیلیبریٹی قرار پائی ہیں۔ بزنس وومن کائیلی جینر نے رواں برس مجموعی طور پر 590 ملین ڈالرزکمائے۔ان کی کمائی کی وجہ رواں برس کاسمیٹکس فرم کے 51 فیصد حصص فروخت کرنا ہے۔

مارچ 2019 میں فوربز میگزین نے کائیلی جینر کو دنیا کی عمر ترین سیلف میڈ ارب پتی شخصیت قرار دیا تھا لیکن2020 میں ان کو اس فہرست سے نکال دیا گیا تھا۔سال2020 میں سب سے زیادہ کمائی کرنے والی شخصیات کی فہرست میں دوسرے نمبر پر اداکار کانیے ویسٹ ہیں جنہوں نے رواں برس مجموعی طور پر 170 ملین ڈالرز کمائی کی۔اس کے علاوہ ٹینس اسٹار روجر فیڈرر ایک سو چھ ملین ڈالرز کے ساتھ اس فہرست میں تیسرے نمبر پر رہے۔ وہ زیادہ کمائی کرنے والے پہلے ٹینس کھلاڑی ہیں جو فوربز کی اس فہرست کا حصہ بنے۔فٹبالر کرسٹیانو رونالڈو اس فہرست میں چوتھے نمبر پر ہیں جنہوں نے2020 میں105 ملین ڈالر بنائے۔ لیونل میسی اس فہرست میں پانچویں نمبر پر ہیں جنہوں نے104 ملین روپے کمائے۔بزنس میگزین فوربز کے مطابق سال2020 میں ایکٹر، ڈائریکٹر اور پروڈیوسر ٹائلر پیری97 ملین روپے کما کر چھٹے نمبر پر رہے۔ برازیل کے فٹبالر نیمار نے95.5 ملین ڈالر کمائے اور وہ اس فہرست میں ساتویں نمبر ہیں۔