گلگت (مانیٹرنگ ڈیسک ) جنوری تک وعدہ ہے اسلام آباد پہنچ کر نااہل حکومت کو گھربھیج دیں گے۔ گلگت بلتستان کے ضلع غذر میں جلسے سے خطاب کرتے ہوئے بلاول بھٹو زرداری کا کہنا ہے کہ ہماری جماعت شہیدوں کی جماعت ہے تو غذر شہیدوں کی سرزمین ہے،
غذر کے عوام نے ملک کی خاطر اپنی جانیں قربان کیں۔نجی ٹی وی کے مطابق انہوں نے کہا کہ سنا ہے ایک وزیر یہاں ووٹ خریدنے آئے ہیں لیکن گلگت کے عوام بکنے والے نہیں، آپ پیسے ان سے لیں لیکن ووٹ پیپلز پارٹی کو دیں اور بھٹو اور بینظیر بھٹو کے مشن کو پورا کرنے کا موقع دیں۔ میں جانتا ہوں کہ اگر شہیدوں کے سرزمین کے عوام ہمارے ساتھ ہیں تو کوئی طاقت ہمارا راستہ نہیں روک سکتی، ہم نہ صرف پیپلز پارٹی کو یہاں سے جتوا کر کٹھ پتلی کو ناکام کریں گے بلکہ جنوری میں اسلام آباد پہنچ رہے ہیں اور کٹھ پتلی، نااہل اور ظالم وزیر اعظم کو گھر بھیج دیں گے۔
