اسلام آباد(این این آئی) ریجنل پیس انسٹی ٹیوٹ کے سربراہ، سینئر تجزیہ نگار رؤف حسن کو وزیراعظم عمران خان کا معاون خصوصی برائے اطلاعات مقرر کردیا گیا ہے۔ عاصم سلیم باجوہ کے مستعفی ہونے کے بعد ریجنل پیس انسٹی ٹیوٹ کے سربراہ اور سینئر تجزیہ نگار رؤف حسن کو
وزیراعظم عمران خان کا معاون خصوصی برائے اطلاعات مقرر کردیا گیا ہے اور ان کی تعیناتی سے متعلقنوٹیفیکیشن بھی جلد جاری ہوگا۔ رؤف حسن ملکی و غیر ملکی انگریزی اخبارات میں آرٹیکل بھی لکھتے ہیں۔ یاد رہے کہ ریجنل پیس انسٹی ٹیوٹ پاک افغان ٹریک ٹو ڈائیلاگ کی میزبانی کرتا رہے۔واضح رہے کہ چند روز قبل لیفٹیننٹ جنرل (ر) عاصم سلیم باجوہ نے وزیراعظم سے معاون خصوصی برائے اطلاعات کے اضافی عہدے سے ہٹانے کی گزارش کی تھی جوانہوں نے منظور کرلی تھی۔ وہ سابق وزیراعظم نوازشریف کے سابق پرنسپل سیکرٹری فواد حسن فواد کے بھائی ہیں، رؤف حسن تحریک انصاف تھنک ٹینک کا حصہ اور ترجمانوں میں بھی شامل ہیں۔واضح رہے کہ عاصم سلیم باجوہ معاون خصوصی برائے اطلاعات کے اضافی عہدے سے دستبردار ہوگئے تھے۔اپنے ایک ٹوئیٹ میں عاصم سلیم باجوہ نے بتایا تھا کہ انہوں نے وزیراعظم سے معاون خصوصی اطلاعات کا عہدہ واپس لینے کی درخواست کی جوانہوں نے منظور کر لی۔اے پی پی خبر رساں ادارے نے کہا تھا کہ وزیر اعظم عمران خان سے ان کے ممکنہ سابق معاون خصوصی یوسف بیگ مرزا نے ملاقات کی۔ یہ بات پیر کو وزیر اعظم آفس کے میڈیا ونگ سے جاری بیان میں بتائی گئی تھی، ممکنہ طور پر یوسف بیگ مرزا یہ عہدہ سنبھال سکتے ہیں۔
