اسلام آباد (مانیٹرنگ ڈیسک )گوجرانوالہ جلسہ گاہ میں مریم نواز کے بعد بلاول بھٹو بھی پہنچ چکے ہیں ۔ پی ڈی ایم کے قائدین ، مولانا فضل الرحمان ، مریم نواز اور بلاول سمیت متعدد رہنما تقریر کریں گے ۔ سینئر اینکر پرسن حامد میر نے شبلی فراز کے بیان پر ردعمل دیتے ہوئے کہا کہ
پی ڈی ایم کا اسٹیج وہاں بنایا گیا ہے جہاں ماضی میں تحریک انصاف کا سٹیج بنا تھا لیکن یہاں موجو د انتظامیہ نے بتایا ہے کہ تحریک انصا ف کے جلسے میں اتنے لوگ نہیں تھے جتنے آج کے جلسے میں ہیں ۔ معروف صحافی نے سماجی رابطے کی ویب سائٹ پر ٹویٹر پیغام میں کہا ہے کہ جتنے لوگ جلسہ گاہ کے اندر ہیں اتنے ہی باہر ہیں میں چائے پینے باہر آیا تھا اب اندر جانا مشکل ہو رہا ہے حکومتی وزراء اس جلسے کو ناکام ضرور قرار دیں لیکن آپس میں بیٹھ کر یہ ضرور سوچیں کہ جن لوگوں کو وہ چور ڈاکو قرار دیتے ہیں ان کے پیچھے اتنا ہجوم کیوں اکٹھا ہو گیا۔قبل ازیں سینئر اینکر پرسن حامد میر نے سماجی رابطے کی و یب سائٹ پر ٹویٹ کہا تھا کہ جاوید ہاشمی سٹیج پر پہنچ چکے ہیں لوگ انکے حق میں نعرے لگا رہے ہیں میں نے یہاں آتے ہی یہ چیک کیا کہ سٹیج کہاں پر بنا ہے؟گراؤنڈ کے اندر یا باہر ؟یہ دیکھ کر بہت حیرت ہوئی کہ سٹیج تو وی آئی پی گیٹ کے بالکل ساتھ عین اس جگہ پر بنایا گیا جہاں عمران خان کے جلسے کا سٹیج بھی بنایا گیا تھا۔
