اتوار‬‮ ، 31 اگست‬‮ 2025 

محکمہ ہاؤسنگ کے زیراہتمام ”پانی کی بچت کا ہفتہ“ کا آغاز، میاں محمود الرشید نے افتتاح کیا

datetime 5  اکتوبر‬‮  2020
ہمارا واٹس ایپ چینل جوائن کریں

لاہور(پریس ریلیز)وزیراعلیٰ پنجاب سردار عثمان احمد خان بزدارکی خصوصی ہدایات پر محکمہ ہاؤسنگ و اربن ڈویلپمنٹ کے زیراہتمام ”پانی کی بچت کا ہفتہ“کا آغاز ہو گیا ہے۔وزیرہاؤسنگ میاں محمودالرشید نے ”پانی کی بچت کا ہفتہ“ کا افتتاح کیا۔سیکرٹری ہاؤسنگ ندیم محبوب اور دیگر متعلقہ حکام بھی اس موقع پر موجود تھے۔ میاں محمود الرشید نے میڈیا کے نمائندوں کو بتایا کہ

کرہ ارض پر موجود کل پانی کا صرف 2.5فیصد صاف پانی ہے اور یہ ہفتہ بچت منانے کا مقصد پانی کے ضیاع کی روک تھام اور آبی وسائل کا تحفظ ہے۔ پانی کی لیکیج ہر سال لاکھوں گیلن پانی کے ضیاع کا سبب بنتی ہے جس سے لاکھوں لوگ پانی جیسی بنیادی ضرورت سے محروم رہ جاتے ہیں۔ گھریلو نل کی چھوٹی سی لیکیج بھی پانی کے بڑے ضیاع کا باعث بنتی ہے۔ لیک ہوتانل آپ کے دانت برش ہونے تک کئی گیلن پانی ضائع کرتا ہے۔گھر میں پانی کا ایک لیک نل روزانہ 100گیلن تک پانی کے ضیاع کا باعث بن سکتا ہے۔ انہوں نے بتایا کہ صوبے کی تمام ڈویلپمنٹ اتھارٹیز، واٹر اینڈ سینی ٹیشن ایجنسیز اور پارکس اینڈ ہارٹیکلچر اتھارٹیز کو بھی اپنے دفاتر میں پانی کی بچت کی ہدایات جاری کر دی ہیں۔ میاں محمود الرشید نے بتایا کہ قبل ازیں واسا لاہور کے زیراہتمام لارنس روڈ پر پاکستان کا سب سے بڑا انڈرگراؤنڈ واٹر ٹینک کا منصوبہ کامیابی سے مکمل کیا گیا ہے جو 14لاکھ گیلن پانی سٹور کر سکتا ہے۔ اسی طرح لاہور میں 111 کارسروس سٹیشنز پر واٹر ری سائیکل پلانٹس لگائے گئے ہیں۔ مزید براں شہر کی 50 مساجد میں وضو کے استعمال شدہ پانی کو پارکوں میں آبپاشی کے مقاصد کے لئے استعمال کیا جا رہا ہے۔ میاں محمود الرشید نے کہا کہ پانی قدرت کی ایک بیش بہا نعمت ہے لیکن اس کے بیدردی سے استعمال سے آبی وسائل مسلسل کم ہو رہے ہیں جو ایک تشویشناک امر ہے۔ پانی کی بچت کی اس مہم کا دائرہ محکمہ ہاؤسنگ سے بڑھا کر پنجاب کے دیگر محکموں تک پھیلا یا جائے گا۔ پانی کی اس بچت میں عوام کی شمولیت ازحد ضروری ہے۔ عوام الناس بھی پانی کی زیادہ سے زیادہ بچت کر کے اپنا کردار ادا کریں۔

موضوعات:

آج کی سب سے زیادہ پڑھی جانے والی خبریں


کالم



پروفیسر غنی جاوید


’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…