اسلام آباد (این این آئی) وفاقی وزیر ریلوے شیخ رشید احمد نے کہا ہے کہ عمران خان اسمبلی توڑ دینگے اپوزیشن کو این آر او نہیں دینگے ،(ش )سے مراد شہباز شریف ہے ،اکتیس دسمبر سے بیس فروری تک (ن )میں سے (ش )نکل جائے گی،یہ تینوں پارٹیاں عمران خان کا کچھ نہیں

بگاڑ سکتیں ، مجھے ڈر ہے اپوزیشن کے جلسوں سے کورونا زیادہ پھیل سکتا ہے،سورج مغرب سے بھی نکل آئے پیپلز پارٹی استعفے نہیں دے گی۔ کیرج فیکٹری میں کراچی سرکلر ریلوے کی تقریب کے موقع پر میڈیا سے گفتگو کرتے ہوئے وفاقی وزیر شیخ رشید نے کہا کہ نوازشریف بتائے میموگیٹ کس نے کیا تھا؟ ، نواز شریف نے جعلی دستخط کرا کے بے نظیر کی کردار کشی کی، جوملاقات نوازشریف نے کھٹمنڈو میں کی کیا اس کا دفتر خارجہ کو بتایا، ان کی خواہش تھی کہ فیٹف سے پہلے نیب کا قانون ختم ہو جائے۔شیخ رشید نے کہا کہ ان لوگوں نے اتنا لوٹا کہ عمران خان کو مہنگائی کرنا پڑی، یہ تینوں پارٹیاں عمران خان کا کچھ نہیں بگاڑ سکتیں عمران خان اسمبلی توڑ دے گا لیکن ان کو این آر او نہیں دے گا ۔شیخ رشید نے پیشن گوئی کرتے ہوئے کہا کہ یہ سمجھتے ہیں کہ ش سے مراد شہباز شریف ہے دسمبر سے فروری تک ن سے ش نکل جائے گی ۔ انہوںنے کہاکہ سورج مغرب سے بھی نکل آئے پیپلز پارٹی استعفے نہیں دے گی۔شیخ رشید نے کہاکہ پاک فوج عظیم فوج ہے جو ٹڈی دل ، سیلاب اور کورونا سمیت ہر مصیبت میں ملک کو بچاتی ہے، فوج کا دشمن اس ملک کا دشمن ہے۔