لاہور( آن لائن)مسلم لیگ (ن) کی ترجمان مریم اورانگزیب نے کہا ہے کہ آج شہباز شریف نہیں پنجاب کے عوام کی ترقی گرفتار ہے،نالائق ، نااہل چور اور جھوٹا ملک پہ مسلط ہے ۔ان خیالات کا اظہار انہوں نے ہفتہ کے روز اپنے ایک بیان میں کیا۔مریم اورنگزیب کا کہنا تھا کہ تحقیق مکمل ،
ریفرنس جمع ، گواہان کا بیان قلمبند ٹرائل شروع ، لیکن عمران خان کے خوف نے شہباز شریف کو گرفتار کرا دیا ۔پنجاب کو 5500 میگاواٹ بجلی دینے والا آج گرفتا ہے اور خیبر پختونخواہ میں 350 ڈیمز کا فراڈ کرنے والا عوام پہ مسلط ہے ۔پنجاب میں چار میٹرو ، اورنج ٹرین دینے والا گرفتار ہے اور پشاور بی آر ٹی میں 120 ارب کے کھڈے کھودنے والا عوام پہ مسلط ہے۔پنجاب کو پی کے ایل آئی ، کارڈیالوجی ، کڈنی سنٹرز ، دانش سکول ، ہسپتال ، سکول یونیورسٹیز دینے والا گرفتار اور ادویات چور عوام پہ مسلط ہے ۔انہوں نے مزید کہا کہ کھربوں کے عوامی منصبوں میں قوم کے اربوں روپے کی بچت کرنے والا گرفتار اور فارن فنڈنگ میں اربوں کی منی لانڈرنگ کرنے والا ملک پر مسلط ہے ۔شہباز شریف پر دھیلے کا الزام نہیں وہ گرفتار اور 23 خفیہ بے نامی اکاؤنٹس وال ملک پر مسلط ہے ۔آٹا چینی چور ملک پہ مسلط اور اور عوام کی ایک ایک لئے امانت سمجھ جے استعمال کرنے والا گرفتار ہے۔
