اسلام آباد (مانیٹرنگ ڈیسک )دفاعی تجزیہ کار جنرل (ر) غلام مصطفی سے نجی ٹی وی پروگرام میں پوچھے گئے سوال ، نواز شریف کی طرف سے بات چیت کیلئے چوہدری نثار علی خان ، یا شہباز شریف کو بھیجتے یا خود بھی جاتے اور کس سے کہاں ملتے تھےکے جواب میں دفاعی تجزیہ کار کا کہنا تھا کہ مصدق ملک صاحب کو شاید اس چیز کا علم نہیں ہو گا،
ہم نے نواز شریف کو بہت پہلے سے دیکھا ہوا اور ہر بات دہرانا ضروری نہیں ہے ،وہ خود بھی جاتے تھے اور آبپارہ میں لوگوں سے ملتے تھے ، راولپنڈی بھی لوگ ملتے تھے ، لاہور میں جو ملاقاتیں ہوتی تھیں یہ اس وقت کے کور کمانڈر سے ملتے تھےان کے دفتروں میں ان کے پاس جا کر ملتے تھے ، یہ اب کی بات نہیں بلکہ 90ء میں بھی ملاقاتیں ہوا کرتی تھیں ۔
