لاہور  ( آن لائن ) صوبائی وزیر اطلاعات پنجاب فیاض الحسن چوہان نے کہا ہے کہ نون لیگ باہرچلی گئی ، شین لیگ اندرچلی گئی اب میم لیگ ہے، جو سرگرم ہوچکی ہے اور جتنا کھلیں گی اتنا پارٹی کا بیڑا غرق کریں گی ، ن لیگ والے دنیا کے کسی بھی فورم پر جائیں گے مگر ان کو

این آراو نہیں ملے گا۔ لاہور میں میڈیا سے گفتگو کرتے ہوئے فیاض الحسن چوہان کا کہنا تھا کہ  میم لیگ جتنا کھیلے گی اتنا اپنی پارٹی کا بیڑا غرق کرے گی ، کیونکہ میم لیگ اب کھل کراپنا کھیل کھیل رہی ہے ، کم ازکم 50 ایم پی ایزان سے متنفرہوئے ہیں، جبکہ 50 کے قریب ایم این ایزاورسینیٹرزبھی ان سے متفرہوئے ہیں،ہر روز آل پاکستان لوٹ مار ایسوسی ایشن کا کوئی نہ کوئی رکن گرفتار ہورہا ہے، ان کی کرپشن اور بددیانتی پر جب بھی ہاتھ ڈالو کہتے ہیں جمہوریت اور پارلیمنٹ خطرے میں ہے، شاہد خاقان کوکل پکڑا جائے گا توانہیں خلیفہ کا لقب دیا جائے گا، پرویزرشیدملک دشمن طاقتوں کی پالیسی پرگامزن ہیں، ن لیگ ملک دشمن عناصر سے ملاقات کو ٹھیک سمجھتے ہیں ، شہبازشریف منی لانڈرنگ میں ملوث رہے ہیں ، ان کی گرفتاری منی لانڈرنگ اوراثاثہ جات کیسز میں ہوئی ، شہبازشریف کی گرفتاری کی خوشی سب سے زیادہ مریم نواز کوہوئی۔