لاہور (آن لائن) صوبائی وزیر تعلیم مرادراس نے سابق وزیراعظم نواز شریف کی صاحبزادی مریم نواز کی پریس کانفرنس کے متن پر شدید رد عمل کا اظہار کرتے ہوئے کہا ہے کہ لوگ کہتے ہیں کہ انہیں پی ٹی آئی کے دور حکومت میں شہباز شریف یاد آتے ہیں جبکہ شہباز شریف جن کو یاد آتے ہیں ان کا میرا پیغام ہے کہ وہ میرے پاس آئے اور میں ان سے یہ بات سمجھنا چاہتا ہو کہ شہباز شریف ان کو کیوں یاد آتے ہیں

میڈیا سے گفتگو کرتے ہوئے مرادراس نے کہا کہ آخر شہباز شریف نے ایسا کون سا کارنامہ انجام دے رکھا ہے جس کے باعث وہ لوگوں کو یاد آرہے ہیں۔ ایک سوال کے جواب میں صوبائی وزیر تعلیم نے کہا کہ مریم نواز کو ضمانت پر رہائی اس لئے ملی تھی کہ وہ اپنے بیمار والد کا خیال رکھ سکیں لیکن سب نے دیکھا ہوگا کہ مریم نواز کے والد نواز شریف بیمار ہونے کی بجائے اشتہاری بن گئے ہیں۔ جو اس قوم کے ساتھ سراسر زیادتی ہے۔