اسلام آباد (این این آئی)پاکستان کے سابق کرکٹر اور راولپنڈی ایکسپریس شعیب اختر کو سابق بھارتی کپتان مہندرا سنگھ دھونی کیساتھ گزارا وقت یاد آنے لگا۔ تفصیلات کے مطابق شعیب اختر نے میچ کے دوران کی ایک تصویر اپنے ٹوئٹر اکاؤنٹ پر شیئر کی جس میں بیٹنگ ، مہندر سنگھ دھونی وکٹ کیپنگ کرتے دکھائی
دے رہے تھے۔تصویر کے کیپشن میں شعیب اختر نے لکھا کہ ہماری یادیں دھندلی ہوئی ہیں اور نہ ہی کوئی تصویر۔انہوں نے لکھا کہ میں چھکا لگانے کی کوشش کرتے ہوئے جبکہ دھونی اپنی شاطر نگاہیں گیند کی جانب مرکوز کئے ہوئے ہیں۔اپنے ٹوئٹ میں سابق فاسٹ باؤلر نے ہیش ٹیگ دھونی، بھارت اور پاکستان کا اضافہ بھی کیا۔
