اسلام آباد (نیوزڈیسک)محکمہ موسمیات نے آئندہ چوبیس گھنٹو ں کے دوران پنجاب ،خیبرپختونخواہ بلوچستان اورکشمیرسمیت گلگت بلتستان میں چندمقامات پرگرج چمک کے ساتھ تیزبارش کی نویدسنادی ہے۔محکمہ موسمیات کے مطابق آئندہ چوبیس گھنٹوں کے دوران مالاکنڈ،ہزارہ، پشاور، کوہاٹ، بنوں،اسلام آباد، راولپنڈی، گوجرانوالہ لاہور،ساہیوال،سرگودھا،ملتان اوربہاولپورمیں بارش کاامکان ہے اس کے علاوہ کوئٹہ ڈویڑن، ڈی جی خان، ڑوب ،بالائی فاٹا، بلتستان اورکشمیر میں بھی بارش ہوسکتی ہے۔ذرائع کا کہنا ہے کہ چند علاقوں میں تیز بارش کی وجہ سے نقصانات کا بھی احتمال ہے اور مون سون کے قریب ہونے کی وجہ سے اس سلسلے میں احتیاط ضروری ہے۔محکمہ موسمیات کے مطابق آئندہ دو سے تین روز کے دوران سندھ، بلوچستان اورگلگت بلتستان میں موسم خشک رہے گا،،گزشتہ چوبیس گھنٹوں کے دوران اسلام آباد،راولپنڈی، بہاولپور،ڈی جی خان، پشاور،کوہاٹ ڈویڑن میں کہیں کہیں بارش ہوئی، سب سے زیادہ بارش رحیم یارخان میں پچپن ملی میٹرریکارڈ کی گئی جبکہ پشاورمیں چوالیس ،چراٹ اٹھتیس ،پشاوراورراولپنڈی میں اکتیس اسلام آباد میں تیس ملی میٹربارش ریکارڈ کی گئی۔ڈی جی خان اور کوہاٹ میں 19 ، راولاکوٹ اٹھارہ، پارہ چنارسترہ،بارکھان دس اور بہاولپورمیں آٹھ ملی میٹربارش ریکارڈ کی گئی۔