اسلام آباد (این این آئی) اپوزیشن کی آل پارٹیز کانفرنس 20 ستمبر کو اسلام آباد میں ہوگی تاہم ایجنڈے پر اتفاق نہیں ہو سکا، پیپلز پارٹی، مسلم لیگ (ن) اور جے یو آئی اپنے الگ الگ ایجنڈے لے آئیں۔نجی ٹی وی کے مطابق پیپلز پارٹی، مسلم لیگ (ن) اور جے یو آئی اپنے الگ الگ ایجنڈے پر بضد ہیں۔ اتفاق رائے نہ ہونے پر کل جماعتی کانفرنس کا ایجنڈا اوپن رکھ دیا گیا ہے۔
ذرائع کے مطابق جے یو آئی (ف) اور دیگر چھوٹی جماعتیں حکومت کو فوری گھر بھجوانے کے لئے بے تاب ہیں تاہم (ن) لیگ اور پیپلز پارٹی فوری طور پر حکومت گرانے کے حق میں نہیں ہیں۔دونوں بڑی جماعتیں تاحال مولانا فضل الرحمان کی حمایت حاصل کرنے میں ناکام ہیں تاہم سربراہ جے یو آئی نے اپوزیشن کی چھوٹی جماعتوں کو اپنے موقف پر قائل کر لیا ہے۔
