اسلام آباد(مانیٹرنگ ڈیسک)حکومت نے عورتوں کی بے حرمتی کے مجرموں کی مردانگی صلاحیت ختم کرنے کے لیے قانون لانے کا فیصلہ کرلیا ہے۔ ذرائع کے مطابق وزیراعظم عمران خان نے عصمت دری کے مجرموں کی مردانگی صلاحیت ختم کرنے کے لیے قانون لانے کی منظوری دیدی ہے۔ذرائع کے مطابق وزیراعظم کی منظوری کے بعد قانونی ٹیم نے بل کےمسودے پر کام شروع کردیا ہے،
بل میں عصمت دری کے مجرموں کو نامرد بنانے کی سزا تجویز کی جائے۔تفصیلات کے مطابق تین ممالک ایسے ہیں جہاں خواتین اور لڑکیوں کیساتھ آبروریزی کے مرتکب ملزمان کو نامرد کر نے کی سزا دی جا تی ہے ۔قومی اخبار کی رپورٹ کے مطابق وزیر اعظم عمران خان نے ایک ٹیلی وژن انٹرویو میں خواتین کی بے حرمتی کر نے والوں کو نا مرد کردینے کی سزا کے حق میں بات کی ۔یہ عمل جراحی کے ذریعہ انجام دیا جا سکتا ہے ۔ تین ممالک میں زیادتی کے مجرمان کو نامرد کر دینے کی سزا رائج ہے ۔ ان میں انڈونیشیا ، چیک جمہوریہ اور یوکرائن شامل ہیں ۔اس حوالے سے انڈونیشی پارلیمنٹ نے اکتوبر 2016 میں قانون منظور کیا ۔ایسی سزا پا نے والے ایک شخص کا کہنا ہے کہ وہ نامرد بنائے جا نے سے زیادہ قید کے دورانیہ میں اضافے یا سزائے موت کو ترجیح دے گا ۔ چیک جمہوریہ میں تو یہ قانون 1966 میں منظور ہوا ۔85 مجرموں کو نا مرد کیا گیا ۔یوکرائن میں آبرو ریزی کے مجرموں کو نا مرد کر نے کی سزا کا قانون جولائی 2019 میں منظور ہوا ۔حال ہی میں ایسا ہی قانون نائجیریا میں بھی منظور ہوا ،تاہم اس قانون کی توثیق ہونا ابھی باقی ہے ۔ سعودی عرب میںآبرو ریزی کے مرتکب مجرموں کو کوڑے مارنے کی سزا دی جا تی ہے ۔ تاہم گزشتہ اپریل میں یہ سزا ختم کر دی گئی ۔ عام طور پر سعودی عرب میںآبروریزی کے مجرموں کو سر عام سر قلم کئے جا نے کی سزا دی جاتی ہے ۔فرانس میں یہ،سزا پندرہ سال قید ہے جس میں تیس سال تک کی توسیع یا عمر قید بھی ہو سکتی ہے ۔ چین میں بے حرمتی کی سزا موت دی جاتی ہے ۔
