اسلام آباد (این این آئی) وفاقی وزیر انسانی حقوق ڈاکٹر شیریں مزاری نے کہا ہے کہ ہماری عزت کسی کی ماں بہن بیٹی بیوی کے طورپر نہیں ایک عورت کی حیثیت سے کی جائے۔ پیر کو قومی اسمبلی میں اظہار خیال کرتے ہوئے انہوں نے کہا کہ
اپوزیشن لیڈر کی یہ بات درست نہیں کہ وہ قوم کی بیٹی تھی بلکہ کہیں عورت تھی،ہمیں یہ قبول نہیں کہ ہم نے کس محرم کو ساتھ لیکر نکلنا ہے؟ہمیں بھول گیا ماڈل ٹاؤن میں دو خواتین کے منہ میں گولیاں ماری گئیں؟ہمیں عابد باکسر بھول گیا،شہبازشریف کو عورتوں کا بڑا درد ہے تو ماڈل ٹاؤن کا بھی ذکر کرلیتے؟اگر مرد اپنے آپکو قابو نہیں کرسکتے تو انہیں گھروں میں بند کریں انہوں نے کہاکہ ہمیں کیپٹل سزا پر بھی سوچ سمجھ کر بات کرنا چاہئے انہوں نے کہاکہ بہت سے ممالک میں کیپٹل سزا دی گئی مگر جرائم نہیں رکے،بعض ممالک میں کیمیائی مواد سے نامرد کردیئے جانے کی سزا نافذ ہے،ڈیٹا نکلوا لیں دنیا میں کہاں کہاں ایسے واقعات کی کیا سزا ہے اسد قیصر نے کہاکہ سرعام پھانسی پر ڈیٹا نکال کر تحقیق کرلیں کہ کس ملک میں کتنے جرائم رکے۔
