اسلام آباد(مانیٹرنگ ڈیسک) موٹر وے کیس میں مبینہ طور پر ملوث ملزم وقار الحسن کے ڈی این اے کی رپورٹ آ گئی ہے اور وہ میچ نہیں ہوا، دنیا نیوز کے مطابق وقار الحسن کا ڈی این اے میچ نہیں ہواہے تاہم ابھی یہ تصدیق ہونا باقی ہے کہ ملزم موقع پر موجود تھا یا نہیں ۔
پولیس کا کہناتھا کہ وقار الحسن کے ڈی این اے سے کیس ثابت نہیں ہواہے ۔ یاد رہے کہ گزشتہ روز ملزم وقار الحسن نے تھانہ سی آئی اے ماڈل ٹائون میں پیش ہو کر گرفتاری دی تھی اور دعویٰ کیا تھا کہ وہ اس میں ملوث نہیں ہے اس نے ڈی این اے ٹھیک کروانے کا مطالبہ کیا تھا۔
