اسلام آباد(مانیٹرنگ ڈیسک)پریس کانفرنس کے دوران ایک صحافی نے آئی جی پنجاب سے سوال کیا کہ آپ نے اتنی آسانی سے کیسے کہہ دیا کہ ملزم عابد اور اس کی بیوی چھاپے کے دوران فرار ہوگئے ، اس سوال پر انعام غنی پہلے تو خاموش رہے اور پھرکہا کہ دونوں کھیتوں میں کہیں چھپے ہوئے ہیں گرفتاری کیلئے پرعزم ہیں ،دونوں مرکزی ملزموں
کو گرفتار کر کے کٹہرے میں لایا جائیگا۔عابد کے نام پر 4سمیں تھیں جنہوں نے وہ مختلف اوقات میں بند کراچکا تھا ، ایک سم اس کے استعمال میں تھی لیکن وہ بھی اس کے نام پر نہیں تھی ، نجی ٹی وی کے مطابق واقعے میں ملوث ایک ملزم عابد کا ڈی این اے ، خاتون کے حاصل کردہ نمونوں سے مل گیا، ڈی این اے نمونہ فارنزک لیبارٹری کے ڈیٹا بینک میں پہلے سے موجود تھا۔
