کراچی(این این آئی) کراچی میں کیماڑی پر واقع آئل ٹرمینل پر آگ لگ گئی جس کے سبب 4 افراد زخمی ہوگئے، آگ لگنے کے بعد کیماڑی آئل ٹرمینل سے پیٹرولیم مصنوعات کی ملک بھرمیں سپلائی معطل ہوگئی ہے۔ریسکیو حکام کے مطابق کیماڑی پر آئل ٹرمینل میں آگ لگنے سے

4 افراد زخمی ہوئے ہیں، آئل ٹرمینل میں لگنے والی آگ پر 9 فائر ٹینڈرز کی مدد سے قابو پالیا گیا ہے۔ترجمان پاک بحریہ کے مطابق پاک بحریہ کیماڑی میں آئل ٹرمینل میں لگی آگ بجھانے میں معاونت کی، پاک بحریہ کی ٹیم اورفائر ٹینڈرز نے آگ بجھانے میں حصہ لیا۔سندھ رینجرز کے مطابق کیماڑی آئل ٹرمینل ون میں پیٹرول کے یونٹ میں آگ لگی تھی، آگ کی شدت زیادہ تھی، ریسکیو اداروں کیساتھ مل کر بجھانے کی کوشش کی۔ترجمان سندھ رینجرزکے مطابق واٹر بورڈ کے ہائیڈرنٹس اور مزید فائر بریگیڈ کی گاڑیاں طلب کی گئیں۔دوسری جانب آل پاکستان آئل ٹینکرزایسوسی ایشن نے حالات کی بہتری تک ملک کیماڑی آئل ٹرمینل سے پیٹرولیم مصنوعات کی ملک بھرمیں سپلائی معطل روک دی ہے۔

موضوعات:پٹرولیم مصنوعات کی سپلائی معطل