اسلام آباد (این این آئی)صدر عارف علوی نے پاکستان پوسٹ کو 45 دن کے اندر معذور ریٹائرڈ ملازم کے بیٹے کو بھرتی کرنے کی ہدایت کی ہے ۔سکھر کے رہائشی، محمد شاہد نے پاکستان پوسٹ کی جانب سے معذور ملازمین کے کوٹے پر بیٹے کی تقرری کی درخواست زائد العمر ی کے بہانے پر مسترد کرنے پر وفاقی محتسب میں شکایت جمع کرائی تھی۔صدر عارف علوی نے معمولی عذر پر

معاملے کو پیچیدہ کرنے اور ملازمت نہ دینے پر محکمے کی سرزنش کی ،صدر مملکت نے معاملے کو حل کرنے میں غیر معمولی تاخیر پر ناراضگی کا اظہار کیا۔صدر مملکت نے کہاکہ ایک معمولی عذر پر ایک معذور شخص کے معاملے کو پیچیدہ کرنا افسوسناک ہے۔صدر مملکت نے کہاکہ معذور افراد کے خلاف امتیازی سلوک جیسے نامناسب رویوں کی حوصلہ شکنی کرنی چاہیے ۔صدر مملکت نے پوسٹ آفس ڈیپارٹمنٹ کومعذور ملازمین کے بچوں کو دی گئی نوکریوں کی تفصیلات فراہم کرنے کی ہدایت کی ۔ صدر مملکت نے کہاکہ ریٹائرڈ ملازمین کے بچوں کے روزگار کے حوالے سے وفاقی حکومت کی پالیسی انسانی ہمدردی کے تحت شروع کی گئی جس کو اسی جذبے سے نافذ کرنے کی ضرورت ہے۔صدر مملکت ڈاکٹر عارف علوی نے وفاقی محتسب کے فیصلے کے خلاف پاکستان پوسٹ ا?فس کی درخواست مسترد کی۔ایفیڈرین کوٹہ کیس کے ملزم عنصر فاروق اور افتخار بابر نے انسداد منشیات کی دفعہ 9 سی کو چیلنج کیا تھا۔