لاہور( این این آئی)صوبائی وزیر تعلیم ڈاکٹر مراد راس نے کہا ہے کہ سکولز کھلنے پراساتذہ کورونا ٹیسٹ اپنی جیب سے کرائیں حکومت مدد نہیں کرے گی جبکہ طلبا ء کو ماسک بھی اپنی جیب سے خریدنا ہوگا۔وزیر تعلیم ڈاکٹر مراد راس نے اپنے بیان میں کہا ہے کہ سکولز کھلنے پراساتذہ کوکورونا ٹیسٹ خودکرانا ہوگا۔
سرکاری طور پراساتذہ کے کورونا ٹیسٹ نہیں کرائے جائیں گے۔انہوں نے کہا کہ بغیر کورونا ٹیسٹ اساتذہ کواسکول میں داخل ہونے کی اجازت نہیں ہوگی، کورونا ٹیسٹ اساتذہ اپنی جیب سے کرائیں حکومت مدد نہیں کرے گی۔وزیر تعلیم پنجاب کا کہنا تھا کہ طلبا کیلئے بھی ماسک پہننا لازمی ہوگا ،بغیر سکول میں داخلے پر پابندی ہوگی۔
