اسلام آباد(مانیٹرنگ ڈیسک)ایف آئی اے نے مسلم لیگ (ن ) کی نائب صدرمریم نواز کی سوشل میڈیا ٹیم کے سرگرم رکن طاہر مغل کو طلب کرلیا۔ایف آئی اے نے طاہر مغل کو 27 اگست کو ایف آئی اے دفتر امیگریشن ٹاور جی ایٹ ون میں پیش ہونے کی ہدایت کی،طاہر مغل سوشل میڈیا پر بہت زیادہ ایکٹیو ہیں، مریم نواز کی ٹیم کے اہم رکن سمجھے جاتے ہیں اور آج کل ن لیگ پنجاب کی ترجمان عظمیٰ بخاری کے سوشل میڈیا کوآرڈی نیٹرکے طور پر فرائض سرانجام دے رہے ہیں۔
طاہرمغل پر الزامات کی تفصیلات سامنے نہیں آسکیں لیکن سوشل میڈیا صارفین کے مطابق طلب کرنے کی وجہ مریم نواز کی نیب پیشی کے بعد کچھ ایسے ٹویٹ تھے جس میں انہوں نے مریم نواز پر قاتلانہ حملے کا دعویٰ کیا اور حکومتی اداروں پر سنگین الزامات عائد کئے تھے۔ کچھ سوشل میڈیا صارفین کے خیال میں طاہر مغل کو نازیبا ٹویٹس پر طلب کیا گیا، دوسری جانب طاہر مغل کو طلب کرنے پر ن لیگی سوشل میڈیا صارفین نے سخت ردعمل کا اظہار کیا ۔
