اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی اور تجزیہ کار ہارون رشید نے کہا کہ ہے یکم ستمبر کو پیشی ہے ، اس موقع پر نوازشریف کا موجود ہونا ضروری ہے،ایک اپیل ان کی ہے اور دو اپیلیں ان کیخلاف ہیں ۔ سٹیل مل کیس میں انہیں بری کیا تھا جج نے
اورالعزیزیہ میں ان کو سزا ہوئی تھی ، اب ان کی موجودگی ضروری ہے اور وجہ سے بھی ضروری ہے ، وہ اس لئے ضروری ہے کہ مریم نواز صاحبہ یہ چاہتی ہیں کہ چاچا جی چپ کر جائیں، والد صاحب قربانی دیں اور میں بادشاہ بن جائوں ۔ان کا کہنا تھا کہ نوازشریف کو ہوش مندی کا مظاہرہ کرنا چہاہیے، یہ سب کچھ ان کی اجازت سےہوا ،ان کی اجازت سے مریم نواز کوبتایا گیا کہ چچا کوپیچھے ہٹا دو ۔ شہباز شریف سمجھتے ہیں کہ خاموش رہ کر مفاہمت ہوئی تھی ۔ نواز شریف اچھے بھلے گھوم رہے ہیں اور علاج بھی نہیں کروایا، وہ مفاہمت کے تحت گئے ہیں، انہیں واپس آنا پڑے گا ، اب انہوں نے معاہدہ توڑ دیا ہے ۔ وہ مولانا فضل الرحمان سے کہہ رہے ہیں کہ آئندہ آپ کو شکایت نہیں ہوگی ۔ اس کا کیا مطلب ہے، نواز شریف کو آنا ہے ،جیل جانا ہے، اگر نہ آئے تو ان کی دولت بھی خطرے میں ہے ، اگر وہ پیش نہیں ہوتے اور فیصلہ ہو جاتا ہے تو پھر وہ سپریم کورٹ میں اپیل نہیں کر سکتے ۔
