کراچی(این این آئی) قومی ایئر لائن نے مسافروں کی سہولت کے لیے اہم اقدام اٹھاتے ہوئے پروازوں میں ناشتے اور اسنیکس کی سروس بحال کر دی ہے۔تفصیلات کے مطابق پی آئی اے کی پروازوں میں ناشتے اور اسنیکس سروس بحال کر دی گئی ہے، سروس کی بحالی سے متعلق شعبہ فلائٹ سروس نے نوٹیفکیشن بھی جاری کر دیاہے۔
نوٹیفکیشن کے مطابق پی آئی اے کی تمام ڈومیسٹک اور مشرق وسطی جانے والی پروازوں میں ناشتہ اور اسنیکس فراہم کیے جائیں گے۔پی آئی اے نے کرونا وائرس کی وجہ سے اپنی پروازوں میں ریفریشمنٹ معطل کر دی تھی، تاہم اب مسافروں کی حفاظت کے پیش نظر ناشتہ اور اسنیکس پیک حالت میں فراہم کیے جائیں گے۔
