اسلام آباد (این این آئی) وزیر خارجہ شاہ محمود قریشی نے وزیراعظم عمران خان کے پرنسپل سیکرٹری اعظم خان کو تھپڑ مارنے کی خبروں کو بے بنیاد قرار دیا ہے۔منگل کو صحافیوں سے گفتگو کرتے ہوئے شاہ محمود قریشی نے کہا کہ میں نے اعظم خان کو کوئی تھپڑ نہیں مارا۔ شاہ محمود قریشی نے کہا کہ اعظم خان کو تھپٹر مارنے کی خبر فضول اور بے بنیاد ہے۔ وزیر خارجہ شاہ محمود قریشی نے کہا ہے کہ اعظم خان کو تھپٹر مارنے کی خبر
فضول اور بے بنیاد ہے۔خیال رہے کہ اس سے قبل مختلف ذرائع ابلاغ پر خبر سامنے آئی تھی کہ شاہ محمود قریشی اور وزیر اعظم عمران خان کے پرنسپل سیکرٹری اعظم خان کے درمیان ہاتھا پائی ہوئی ہے۔خبر میں دعویٰ کیا گیا تھا کہ شاہ محمود قریشی وزیر اعظم سے ملنا چاہتے تھے لیکن ان کے آفس کے باہر انہیں پرنسپل سیکرٹری اعظم خان نے روک دیا تھا جس پر یہ واقعہ پیش آیا تاہم اب شاہ محمود قریشی نے اس خبرکی واضح طور پر تردیدکردی ہے۔
