اسلام آباد(آن لائن)محکمہ اوقاف میں ایک بار پھر کرپشن کا بازار گرم کر دیا گیا،چیئرمین نے بابا گورونانک گوردوارہ کمیٹی کے فنڈز سے دو قیمتی گاڑیاں خرید کر ایک بیٹے کو تحفہ دیدی جبکہ دوسری گاڑی سکھ پردھان کے لیے دفتر کھڑی کر دی گئی،ڈپٹی سیکرٹری ایڈمن نے چیئرمین ہاوس کے لیے سرکاری پیسوں سے لاکھوں روپے کی خریداری میں اڑا دیے ہیں،پرائیویٹ ملازمین کے لیے ٹرانسپورٹ انچارج نے

چار موٹر سائیکل خرید کر غائب کر دیے ہیں،انتہائی معتبر ذرائع سے معلوم ہوا ہے کہ معلوم ہوا ہے کہ چئیرمین اوقاف لاہور کے بیٹے کی شادی کے لیے سرکاری فنڈز کا بے دریغ استعمال کیا جانے لگا ہے،سکھ کمیٹی کے فنڈز سے دو قیمتی گاڑیاں جنکی مالیت 56لاکھ16ہزار روپے ہے خرید کر ایک چیئرمین کے بیٹے کو تحفہ دیدی گئی جبکہ دوسری گاڑی پردھان سکھ کمیٹی کے لیے دفتر کھڑی کر دی گئی،ذرائع کا کہنا ہے کہ دونوں گاڑیوں کی خریدار ی میں سکھ کمیٹی کو اندھیرے رکھا گیا ہے ایک گاڑی ڈائریکٹ چیئرمین ہاوس ہی پہنچائی گئی،دوسری جانب ادارے کی ڈپٹی سیکرٹری ایڈمن روشنہ فہد نے چئیرمین کے لیے انکے بیٹے کی شادی کو چار چاند لگانے کے لیے پورے چئیرمین ہائوس کو سرکاری فنڈز سے سجایا گیا ہے اور ہائوس کی کراکری،کمبل،بسترے،پردے ،کارپٹ تک خریدے گئے جن پر ایک لاکھ 70ہزار روپے خرچ کیے گئے ہیں،ذرائع کا کہنا ہے کہ موجودہ حکومت میں ابتدائی طور پرتو کرپشن قدرے رک گئی تھی مگر بعدازاں پھر دھڑلے شروع کر دی گئی ہے ،ٹرانسپورٹ انچارج مشتاق نے چیئرمین ہاوس کے پرائیویٹ ملازمین کے لیے سرکاری فنڈز سے چار نئے موٹرز سائیکل خرید کر ہائوس پہنچا دیے ہیں اور اب ان موٹرز سائیکلز کو نمبرلگوانے کے لیے پیپرورک تیار کیا جانے لگا ہے ،ذرائع کا کہنا ہے کہ سابق چیئرمین صدیق الفاروق کی میگا کرپشن کو بھی تحفظ دینے کے لیے انکی پرسنل فائل ایڈمن سے غائب کر دی گئی ہے کیونکہ ایڈمن سیکشن میں کاشف اور راجہ احتشام نامی ملازم بھاری رشوت لیکر یہ اقدام کر چکے ہیں اور انکی انکوائری فائل نہ ہونے کی وجہ سے آگے نہ بڑھ سکی ہے،مذکورہ کرپشن پر ڈپٹی سیکرٹری ایڈمن روشنا فہدسے رابطہ کرنے کی کوشش کی گئی تاہم نہ ہو سکا ۔

موضوعات:محکمہ اوقاف میں ایک بار پھر کرپشن کا بازار گرم