اسلام آباد (آن لائن) چیئرمین سی پیک لیفٹیننٹ جنرل ریٹائرڈ عاصم سلیم باجوہ نے کہا ہے کہ مٹیاری سے لاہور 660کے وی کی ٹرانسمیشن لائن پر کام آخری مراحل میں داخل ہوگیا ہے ۔ اپنے ایک بیان میں انہوں نے کہا کہ بجلی کی نارتھ ساوتھ ترسیل کیلئے ایچ وی ڈی سی ٹرانسمیشن لائن 886کلومیٹر طویل ہے۔مٹیاری لاہور 660کے وی کی ٹرانسمیشن لائن

سے 4 ہزار میگاواٹ بجلی کی ترسیل ممکن ہوگی ۔ انہوں نے کہا کہ منصوبے پر مجموعی طور پر 1.66ارب ڈالر کی لاگت آئی ۔ انہوں نے کہا کہ اس منصوبے پر 85فیصد تک کام مکمل کیا جاچکا ہے ۔ منصوبے سے 2212افراد کو روزگار کے براہ راست مواقع میسر آئے ہیں ۔ انہوں نے مزید کہا کہ سی پیک کے تحت مختلف منصوبوں پر کام تیزی سے جاری ہے۔