اسلام آباد(مانیٹرنگ ڈیسک)نیب لاہور نے وزیراعلیٰ پنجاب عثمان بزدار اور مسلم لیگ ن کی رہنما مریم نواز کو طلب کرلیا، دونوں کو نوٹس بھی جاری کردیئے گئے ،نجی ٹی وی کے مطابق مریم نوازکو 11 اگست کو صبح 11 بجے نیب میں طلب کیاگیا ، مریم نوازکو 200 کنال اراضی کیس میں طلب کیاگیا اور ان پر سرکاری
خزانے کو نقصان پہنچانے کا الزام ہے ، اس کیس میں پہلے ان کے والد سے بھی پوچھ گچھ کی جاچکی ہے ، مریم نواز کی طلبی کا نوٹس جاری جاتی امرا روانہ کردیا گیا ہے ۔ دوسری جانب مریم نوازکی طلبی کے اگلے ہی روز وزیراعلیٰ پنجاب کو 12 اگست کونیب نے طلب کرلیا، انہیں غیرقانونی شراب لائسنس جاری کرانے پرطلب کیاگیا ہے۔
