اسلام آباد(مانیٹرنگ ڈیسک) سردار آفتاب اکبر پنجاب ایجوکیشن فاؤنڈیشن کے بورڈ آف ڈائریکٹرز کے چیئرمین منتخب، نجی ٹی وی کے مطابق سردارآفتاب اکبر کا انتخاب پنجاب ایجوکیشن فاؤنڈیشن کے نئے تشکیل شدہ بورڈ آف ڈائریکٹرز کے پہلے اجلاس میں ہوا اور میٹرک تک تعلیم ہونےکے باوجود انہیں بورڈ آف کا چیئرمین منتخب کرلیا گیا۔چکوال سے پنجاب اسمبلی کے منتخب رکن سردار آفتاب اکبر کا تعلق پاکستان تحریک انصاف سے ہے اور پنجاب اسمبلی کی ویب سائٹ پر ان کی

تعلیم میٹرک درج ہے۔دوسری جانب سردار آفتاب اکبر کہتے ہیں ان کی تعلیم میٹرک نہیں انٹر ہے اور ان کا انتخاب تعلیمی لحاظ سے نہیں کارکردگی پر ہوا ،ان کا کہنا ہے کہ انتخاب سے قبل میرے 3 انٹرویو ہوئے تھے اور انٹرویو میں کامیابی کے بعد 16 رکنی بورڈ آف ڈائریکٹرز نے مجھے منتخب کیا۔ وہ ادارے کے مسائل کوبخوبی سمجھتے ہیں اور تمام شکایات کو جلد دورکردیا جائےگا ،فاؤندیشن کے تحت چلنے والے سکول مالکان کے مسائل کو بھی جلد حل کیا جائیگا۔